البط بالفريك والفراخ المحشية رز

البط محشى فريك وفراخ محشية رز الوصفة دى مناسبة جدا للعزومات لما بيكون عندنا عزومة بنبقا محترين نعمل ايه علشان كده هقدملك الوصفة دى يلااااااااااااااااااااااااااااااابقا نشتغل
بط محشى بالفريك وفراخ محشية رز




طريقة البط

طبعا بطه متنضفه ومغسوله كويس جدااااااااااااااا بالملح والدقيق والليمون


الحشو

فريك أنا بنقيه وأغسله وأنشفه وأشيله لوقت الحاجة

طبعا ناخد شوية فريك وننقعهم فى ميه سخنه شوية بالشكل ده

وبعد كده بجيب بصله كبيرة أو بصلتين وأقطعهم مكعبات مش بالمبشره
وأشوحهم شويه بقليل من السمن لما لونها يبقى دهبى
ثم أضيف عليهم الكبد والقوانص بعد تقطعيهم قطع
صغيرة وأضيف عليهم بهار لحمه وبهار فراخ وكارى وفلفل وملح وأسيبهم شويه على نار هاديه لغاية لما ميه

البصل تنشف شويه وأضيف عليهم الفريك بعد تصفيته من

الميه وأشوحهم مع بعض وأسيبهم على نار هايه شويه لغايه لما أحس الفريك بدأ يستوى

ودى عن قرب



وبحشى بيه البط بعد قفل الرقبه بخله أو بالخيط



وبعد كده بقفل البطه بالخيط أو بالخله


وأنا بسلقها على طول مش بشوحها علشان ماتبقاش تقيله لأن البط مليان دهون




وكل الدهون بتأثر على الشرايين المغذيه للقلب



أصل أنا عندى دكتورة فى البيت وبتخوفنى من كل حاجه (بنتى) هههههه

يعنى بسخن الميه وتكون مش كتير وأحط فيها البطه ولما يطلع الريم بشيله خالص لما الميه تبقى صافيه

iخالص

بعدين بزود البهارات (اللورى- الحبهان- المستكه-الملح)

وخدوا بالكم كميه الشوربه تبقى مغطيه البطه فقط مش كتير بكده بيبقى طعمها خطير

وبعد ما تستوى بنشلها من الشوربه على صينية وأدخلها الفرن بدون أى اضافات

علشان تتحمر من غير دهون وهتلاحظى كمان أنها بتنزل كميه دهون كبيرة وبالتالى هتبقى صحية لنا علشان

مافيش اضافه لأى دهون


ولزوم الدلع قليت لأولادى حبايبى سمبوسك وكبيبة كمان







نيجى بقى للفراخ المحشية رز


وبصراحة هى طريقة روعة عملتها كتير جدا وولادى بيحبوها جدااااااااااااااا من جمالها

ودى صورها قولت انزلها

دى الفرخة بعد ماتبلتها وحشيتها



التتبيلة بتاعتها حبة طماطم مبشورة وعليها رشة فلفل أسود وملح وتبيتيها فى التلاجة لتانى يوم
دى الحشوه بتاعتها


الحشوة عبارة عن
كباية أرز مش كبيرة مغسوله ومنقوعه من فترة
كوب كبد فراخ
بصل
الطريقة
نبشر البصله ونضع عليها ملعقة سمن + شويى زيت ونحطها على النار لغاية لما يصفر لونها
بعد
كده نضيف عليها الكبد المقطعة ونقلبها كل شوية وبعد مانحس أن مية البصل
بدأت تنشف نضيف لها كوب ماء ونتركها تغلى ثم نضيف عليها الأرز ونضيف بهارات
فلفل أسود بهار فراخ وملح بس حكى بهار كتير هى الحشوة بيقها لونها غامق
صدقينى هتبقى تحفه ونهدى النار لغاية لما الأرز يبقى نصف سوا
ونتركها تبرد ونحشى بها الفرخة

]وبعد الحشو حطيها فى كيس الفرن
وعلى الفرن على طول
بس أنا عملتها فى صينيه لأن أكياس الفرن خلصت من عندى

حطيتها فى الصينية وضيفت لها 2 كوب ماء ومستكه وحبهان ولورى وجزر وعود كرافس بكده بتبقى الشوربه
بتاعتها خطيرة وغطيتها بالفويل


ودخلتها الفرن ساعه أو ساعة ونصف على حسب حجم الفرخة

بعد ماأستوت حطيتها فى صينيه تانية وحطيتها فى الفرن علشان تتحمر



بالعافيييييييييييييييييييييييييييييييييييييييييييييية

مواضيع ذات صلة:
المقلوبة بالصور من منتدى ست ستات
جمبري بالخلطة بالطريقة المصرية
البط بالفريك والفراخ المحشية رز
كبسة سعودية طريقتها بالفيديو
كبسة سعودية طريقتها بالفيديو
اكلات سورية رائعة بالفيديو

نذوق الفريك ؟ هدا مصرى
يعطيكى الف عافية

اكلة مصرية ولكن كل العرب يحبوها
مشكورة على مرورك ومتابعتك

انتى من تستحقين الشكر على مساعدتنا هنا
فى منتدى ست ستات