طريقتى فى استخدام الثوم لشعرى وطريقة ازالة الرائحة منة

يارب تكون كل الفتوكات ومصر كلها بامان وخير باذن الله
انا بعد كتابتى لموضوع طريقة لازلة رائحة الثوم من الشعر
فية فتوكة طلبت ازاى بستخدم الثوم
فحبيتى اقولكم طريقتى ويارب نفيد ونستفيد
شوف انا ام لثلاثة اطفال
يعنى حمل وولادة 3مرات منهم اتنين قيصرى
لقيت شعرى مش بيسقط لا طار مفيش والشوية اللى فضلو
صعب جدا
رحت لدكاترة كتير
ومنهم الله يسمحة الدكتور عاصم فرج
اللى بييجى فى برنامج 90 دقيقة
صرفت فلوس واللهى ما مسمحاة
لاهو ولا اللى بيجبوة فى التليفزيون
يالة المهم
او ما اوقف العلاج ولا اكنى عملت حاجة
والعلاج مكلف كله اية مستورد يالة منة لله
طيب بعدين
كنت رايحة ازور ماما
قولت فرصة علشان اعمل حمام التوم بعيد عن جوزى

شوفى عملت اية جبت زيت ثوم +زيت جوز هند+زيت زيتون+زيت جرجير+زيت
خروع+جرجير اخضر عصرتة فى الخلاط+كحول نقى من الصيدلية اللى هو السبرتو
واللهى كنت بحط كل الزيوت على بعضها
واحط الكحول على فروة راسى الاول بحس انة بيخلى راسى زى ماكون حاطة فيها
تكييف وبعدين احط الزيوت فى زجاجة وارجها واحط منها على فروة راسى يوميا
واحط كيس مشمع واغطى
واية الريحة فعلا مش حلوة وكنت يوميا لمدة اسبوع احط وما اغسل راسى واللهى
بعد اسبوع غسلت راسى وجدت الشعر نبت وزى الحرير وقوة ولمعان
وطبعا لماروحت شقتى ماكنش ينفع اعمل كدا يوميا
بقيت اعمل نفس المكونات كل 15 يوم ويكون جوزى طبعا مش فى البيت
وعلشان الريحة طبعا بغسل شعرى
واشطفة بماء فية بن ثم اشطف تانى وبعدين اسرح واى زيت عطرى
او مخمرية مسحة خفيفة وبيبقى زى الفل على فكرة الوصفة دى اللى قال عليها الدكتور عادل عبد العال فى قناة الشارقة تقريبا
ودا رابط الموضوع بتاع ازالة رائحة الثوم

عن تجربة ازالة رائحة الثوم من الشعر

السلام
عليكم احبائى الاعزاء كل عام وانتم بالف خير
عاوزة احكيلكم عن تجربتى ويا رب تعجبكم طبعا الكل يعلم عن فوائد الثوم
للشعر والكل بيخاف من الرائحة الغير محببة بس انا جربت بعد وضع الثوم مع اى
وصفة انى بعد ما اغسل شعرى اشطفة بماء مدوبة بية\ بن \فى ماء دافى او
لوعندك فنجان قهوة محدش شربة ضفية لماء شطف الشعر ثم اشطفية جيداااااااا
والهى انا بجد شعرى مفيهوش اى رائحة للثوم وممكن كمان للتاكيد تجيبى شوية
زيت عطرى باى رائحة تحبيها مثل رائحة البنفسج انا بحبة جدا هتلاقية عند
العطار هتاخدى كمية صغيرة مش كتير وتدهنى اديكى وبعدين تدهنى بيها شعرك
وكدا مافيش اى وجود للثوم وكل عام والجميع بخير