طريقة عمل سينابون بالخطوات المصورة

المقادير


كوب حليب مسخن مدة دقيقة في المايكرويف


ربع كوب ماء فاتر


ملعقة صغيرة فانيلا


نص كوب زبدة بحرارة الغرفة


2 بيضة بدرجة حرارة الغرفة


نص ملعقة صغيرة ملح

نص كوب سكر


5 اكواب طحين


3 ملاعق صغيرة خميرة فورية


الطريقة


انا استخدمت العجانة بنحط جميع مقادير العجينة في العجانة بس يصير عنا عجينة متماسكة بتكون لينة





بعدها بنرش سطح المجلى بشوية زيت انا استخدت بام بنعجنها بايدنا بطريقة اللف مثل البيتزا مثل الكرة تقريبا 5


او 6 دقائق بعدها بنرجعها في صحن العجين وبنغطيها ببلاستيك وبنخليها تتخمر بس يتضاعف حجمها بتاخد شي 40 دقيقة




هسة بنحضر مقادير الحشوة


نص كوب زبدة طرية


كوب سكر بني


4 الى 5 ملاعق قرفة ناعمة


بعد ما اختمرت العجينة بنفردها على شكل مستطيل بحجم مناسب



وبعدها بندهن العجينة بالزبدة وبعدها بنكون خالطين السكر مع القرفة وبنفرشة على شكل طبقة على الزبدة





وبعدها بنلف العجينة على شكل اسطوانة وبنحاول نغلق طرف اخر العجينة بالعجينة نفسها بحيث تكون مغلقة


بنقطعها بسكين منشار او بطريقة الخيط وبنكون داهنين صينية بنرتب القطع ويكونوا بعاد


عن بعض علشان عملية التخمير الثانية










وبعدها بنتركهم يتخمروا مرة ثانية 40 دقيقة هون بعد التخمير





ومن ثم بنخبزهم على درجة حرارة 350 فرنهايت ويكون حار مسبقا

بنخبزهم مدة 20 الى 25 دقيقة بعدها بنكون مجهزين التغطية وهي عبارة عن

نص قالب كريم تشيز بمعدل 2 اونص غبى درجة حرارة الغرفة

ربع كوب زبدة بدرجة حرارة الغرفة

كوب سكر ناعم

نص ملعقة صغيرة فانيلا سائلة

بنخلط اول شي الزبدة مع التشيز وبنضيفلهم السكر بالتدريج حتى نحصل على كريمة لينة لتغطية حبات السينابون






بنغطيهم مهما حارين وبنقدمهم









وصحة وعافية





الطريقة كثير سهلة مو صعبة بس علشان اوضحلكم الكتابة كثيرة


ولافضل نتائج استخدموا الاكواب المعيارية